Español
No ano 2015 o grupo de investigación PROePLA comenzaba a organización das actividades de divulgación e transferencia tituladas “Xornadas PROePLA”. Ó longo deste período organizáronse un total de 12 xornadas nas cales, ó longo dun día, se debatíron propostas e se aportaron solucións para os principais desafíos ós que se enfrentaban os sectores agrarios galegos.
Iniciamos unha nova etapa na cal pretendemos dar aínda máis protagonismo ós sectores e polo tanto partimos de preguntarlles cal debe ser o tema a debatir neste aniversario. Para elo, mediante a enquisa dispoñible neste enlace, queremos seleccionar ó longo dunha semana o tema da Xornada PROePLA 2025.
Na enquisa, propoñemos estas 10 alternativas e deixamos aberta a opción de outras.
- Cal é o camiño do rural galego.
- Os servizos ecosistémicos
- Os mercados do carbono.
- Moratoria do eucalipto.
- Patoloxía dos piñeiros.
- Precios e mercados do leite.
- O futuro da PAC e o DR no novo contexto mundial.
- Altri.
- Frondosas autóctonas como alternativa.
- Cambio climático e produción agraria.
- Outro (indicar)
Unha vez seleccionado o tema iremos informando de como incorporarse ó debate, o cal queremos que sexa o máis interactivo e técnico posible para que faga avanzar ós sectores agrarios, á sociedade e ó territorio de Galicia.